Viral Video : ಅಗ್ನಿಯೊಂದಿಗೆ ಸರಸ...! : ಗಡ್ಡಕ್ಕೇ ಬೆಂಕಿ ಬಿದ್ದಾದ ಒದ್ದಾಟ...!

ಬೆಂಕಿಯೊಂದಿಗೆ ಸರಸವಾಡಲು ಹೋಗಿ ಇಲ್ಲೊಬ್ಬ ಸಂಕಷ್ಟಕ್ಕೆ ಸಿಲುಕಿದ್ದಾನೆ. ಇದು ಎಲ್ಲರಿಗೂ ಪಾಠವಾಗಿದೆ. ಸದ್ಯ ಈ ವಿಡಿಯೋ ವಿವಿಧ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಹರಿದಾಡುತ್ತಿದ್ದು, ಎಲ್ಲರೂ ಬೆಚ್ಚಿಬಿದ್ದಿದ್ದಾರೆ.

ಹೈಲೈಟ್ಸ್‌:

• ಬೆಂಕಿಯೊಂದಿಗೆ ಸರಸವಾಡಲು ಹೋಗಿ ಸಂಕಷ್ಟ
• ಸ್ಟಂಟ್ ಮಾಡಲು ಹೋದಾಗ ಎದುರಾಗಿತ್ತು ಶಾಕ್
• ಸೋಶಿಯಲ್ ಮೀಡಿಯಾದಲ್ಲಿ ಭಯಾನಕ ದೃಶ್ಯ ವೈರಲ್

ಈ ದೃಶ್ಯವನ್ನು ನೋಡುವಾಗ ಎದೆ ಧಗ್ ಎಂದಂತಾಗುತ್ತದೆ. ಜತೆಗೆ, ಇದು ಎಲ್ಲರಿಗೂ ಪಾಠ ಕೂಡಾ ಆಗಿದೆ. ಕೆಲವರಿಗೆ ಅಪಾಯಕಾರಿ ಸ್ಟಂಟ್ ಮಾಡುವ ಶೋಕಿ. ಆದರೆ, ತಮ್ಮ ಈ ಶೋಕಿಯಿಂದ ಆಗುವ ಪರಿಣಾಮ ಏನು ಎಂಬುದರ ಬಗ್ಗೆ ಇವರು ಯೋಚಿಸುವುದೇ ಇಲ್ಲ. ತಮ್ಮ ಈ ಮೋಜಿನಿಂದಾಗುವ ಅಪಾಯದ ಸತ್ಯದರ್ಶನವಾಗುವಾಗ ಒಮ್ಮೊಮ್ಮೆ ಕಾಲ ಮಿಂಚಿ ಹೋಗಿರುತ್ತದೆ. ಇದಕ್ಕೆ ಬೇಕಾದಷ್ಟು ಸಾಕ್ಷಿಗಳಿವೆ. ಈಗಂತು ಸೋಶಿಯಲ್ ಮೀಡಿಯಾದಲ್ಲಿ ಇಂತಹ ಸಾಕಷ್ಟು ದೃಶ್ಯಗಳು ಕಾಣಸಿಗುತ್ತವೆ. ಅಂತೆಯೇ, ಸದ್ಯ ಇಂತಹದ್ದೇ ವಿಡಿಯೋವೊಂದು ವೈರಲ್ ಆಗುತ್ತಿದೆ.

ಇದು ಯುವಕನ ಗಡ್ಡಕ್ಕೆ ಬೆಂಕಿ ಹೊತ್ತಿಕೊಳ್ಳುವ ಭಯಾನಕ ದೃಶ್ಯ. ಎಲ್ಲರೆದುರು ತನ್ನ ಸ್ಟಂಟ್ ಪ್ರದರ್ಶಿಸಲು ಹೋಗಿ ಈ ಯುವಕ ಸಂಕಷ್ಟ ಎದುರಿಸಿದ್ದಾನೆ. ಈ ವೇಳೆ, ಅಲ್ಲೇ ಇದ್ದ ಸ್ನೇಹಿತರು ಈತನ ಸಹಾಯಕ್ಕೆ ಧಾವಿಸಿದ್ದರಿಂದ ದೊಡ್ಡ ದುರಂತ ತಪ್ಪಿದಂತಿದೆ.

ಇನ್‌ಸ್ಟಾಗ್ರಾಂ ಖಾತೆಯೊಂದರಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ಈ ಕ್ಲಿಪ್‌ನಲ್ಲಿ ಯುವಕನೊಬ್ಬ ಬಾಯಿಗೆ ಪೆಟ್ರೋಲ್ ತುಂಬಿ ಬೆಂಕಿಯನ್ನು ಊದಿ ಸಾಹಸ ಪ್ರದರ್ಶಿಸುವ ದೃಶ್ಯವಿದೆ. ಬಹಳ ಆತ್ಮವಿಶ್ವಾಸದಿಂದಲೇ ಈ ಯುವಕ ಈ ಅಪಾಯಕಾರಿ ಸ್ಟಂಟ್ ಮಾಡಲು ಹೋಗಿದ್ದ. ಆದರೆ, ಇದಾದ ಸ್ವಲ್ಪ ಹೊತ್ತಿನಲ್ಲೇ ಅನಾಹುತ ನಡೆದಿತ್ತು. ಅದೇನೆಂದರೆ, ಈತ ತನ್ನ ಬಾಯಲ್ಲಿದ್ದ ಪೆಟ್ರೋಲನ್ನು ಬೆಂಕಿಗೆ ಊದುತ್ತಿದ್ದಂತೆಯೇ ಬೆಂಕಿ ಈತನ ಗಡ್ಡಕ್ಕೂ ಹೊತ್ತಿಕೊಂಡಿತ್ತು. ಆಗ ತಕ್ಷಣ ಅಲ್ಲೇ ಇದ್ದ ಸ್ನೇಹಿತರು ಈತನ ಸಹಾಯಕ್ಕೆ ಬಂದು ಬೆಂಕಿ ನಂದಿಸಿದ್ದಾರೆ. ಈ ಮೂಲಕ ದುರಂತ ತಪ್ಪಿದೆ.

Video here

ಈ ದೃಶ್ಯ ಎಲ್ಲಿನದ್ದು, ಯಾವಾಗ ಸೆರೆಯಾಗಿದ್ದು ಎಂಬುದು ಗೊತ್ತಾಗಿಲ್ಲ. ಆದರೆ, ಈ ದೃಶ್ಯ ಎಲ್ಲರನ್ನೂ ಬೆಚ್ಚಿಬೀಳುವಂತೆ ಮಾಡಿದ್ದಂತೂ ಸತ್ಯ. ಸದ್ಯ ಈ ವಿಡಿಯೋ ಸಾಕಷ್ಟು ವೀಕ್ಷಣೆ ಗಳಿಸಿದೆ. ಜತೆಗೆ, ವಿವಿಧ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿಯೂ ಹರಿದಾಡುತ್ತಿದೆ. ಇಂತಹ ಅಪಾಯಕಾರಿ ಸ್ಟಂಟ್‌ಗಳಿಂದ ಜೀವವೇ ಹೋಗಬಹುದು... ಹೀಗಾಗಿ, ಶೋಕಿಗಾಗಿ, ಯಾವುದೇ ಮುನ್ನೆಚ್ಚರಿಕೆ ಇಲ್ಲದೆ, ತರಬೇತಿ, ಸಲಹೆಗಳು ಇಲ್ಲದೆ ಸ್ಟಂಟ್ ಮಾಡುವವರಿಗೆ ಇದು ಕೂಡಾ ಒಂದು ಪಾಠವಾಗಿದೆ.